حميدتي .زيارتي للزرق تاريخي ولم ننوي في حرب مع الزغاوة
حميدتي. قوات الدعم السريع قومية والرزيقات لا يتجاوزون ال 50%
حميدتي .الأمن مستتب الآن ونسعى لتوطين الرحل في المنطقة
حميدتي ليس عنصري ولكن الزرق ومناطق أخرى تعود تاريخيا للرزيقات المهرية وم سطره الرزيقي صحيحا
حميدتي .نحترم السيد الرئيس ونؤيد ترشيحة لدورة جديدة ولا أطمح في الرئاسة
حمديتي .ناس الواتساب والفيس بوك قليلين الادب وعواطلية
حمديتي. مشاركة قواتي في حرب اليمن يعود بالفائدة للوطن
نعم لدي فلل في الخرطوم وطلمبات في كل من نيالا والفاشر والخرطوم ولكن باموالي الخاصة
حل إلينا اليوم الجمعة الموافق 21 /سبتمبر 2018م ضيفا عزيزا في صحيفة (استراحة البدو) الاكترونية سعادة الفريق محمد حمدان حمديتي قائد قوات الدعم السريع في إفادات سريعة وجريئة
حاورتها .كوثر النعيم العوض
أهلا بك سعادة الفريق حميدتي؟
وعليكم السلام كيف قيلتوا
حدثنا عن واقع دارفور الآن ؟
الحمد لله دارفور أمن الآن وبعد م طردنا توربورا من كل دارفور
نفهم انو م في تمرد الآن ؟
لا لا في بس شوية في جبل مرة والصحراء تجاة ليبيا
سمعنا انكم تريدون طرد الزغاوة من الزرق والآن انتم تسيطرون عليها ؟
م دارين نطردهم ولا حاجة وهسي هم قاعدين معنا وجزء من أولادهم في الدعم السريع
لكن صحفي ذهب معك إلى هناك وقال المنطقة ليس للزغاوة؟
نعم المنطقة تاريخيا لا يتبع للزغاوة
دة بمعني ح تطردوهم في المستقبل ؟
ابدا يعيشون م بقية السكان وهسي انحنا حفرنا آبار وبنينا مدارس وخلاوي ودارين نبني مستشفي عشان نجيب أهلنا الرحل يسكنوا فيها
طيب من أين تحصلتوا ع الأموال عشان تبنوا المدارس والخلاوي
والله جزء الله خير اخونا الرئيس م قصر وكمان برضو إخوانا في الخليج
عندكم نية انو الرحل يسكنوا في مناطق أخرى خلاف الزرق؟
ايوووا دارين نسكنهم في معظم مناطق الشمال بعد التنمية
بعض الكتاب والصحفيين والناشطين من أبناء الزغاوة كتبوا كثيرا مقالات منددين بقرار توطيين الرحل في مناطق دار زغاوة
يا زوله هوووي م في حاجة إسمو توطيين دة
ديل رحل وعندهم الحق يسكنوا في أي محل
وهل الزغاوة ح يسمحوا بذلك ؟
دي سؤال أمني انا م بجاوب
رأيك شنو في التعديلات الأخيرة في الحكومة ؟
م داير إتكلم في السياسة كتير
م رأيك اذا تم إعادة ترشيح البشير؟
نوافق
أخبار انو امبارح تم ضرب اتباع موسي هلال في السجن الحربي م رايك؟
ابدا م سمعت بالخبر
يقولون انك تملك فلل في الخرطوم وطلمبات في كل من الفاشر ونيالا والأبيض والخرطوم هل اتهامات المعارضة ؟
صح عندي 3. فيلا بس 2 في الرياض وواحدة في كافوري وبيت سطوح في الفاشر وواحدة في نيالا الحمد لله
برضو مجموعة طلمبات (قادرة ) ذات الشعار الأخضر قالوا تابع ليك؟
أي صحيح تابع لي أنا واخوي عبدالرحيم
رأيك شنو في ناس الواتساب والفيس بوك وهل عندك حساب؟
ديل ناس فاضي شغل ساي وقليلي الأدب م محترمين
عندك حساب في الفيس بوك و تويتر ؟
لا م عندي حساب في (توتر) حسب لغتة لكن عندي واتساب
مشاركة قوات الدعم السريع في عاصفة الحزم ؟
مشاركة فعالة وايجابية وبدونا قروش كتيرة نصها بمش للوطن والنص الآخر للجنود
قالوا قواتك قاعدة تحلق شعر الشباب في الخرطوم دة بتدل ع أن قوات غير منضبطة
عيال الخرتوم واحد م تفرزوا من البنية ديل لازم يحلقوهم تحت وفوق
شكرا سعادة الفريق حمديتي لهذة الاستضافة الجميلة وفخورين بأن تكون ضيفنا في استراحة البدو الإلكترونية
شكرآ
ملحوظة
رفض سعادة الفريق بأن نلتقط منه صورة حديثة مواكبة م هذا الحوار
لذلك نختفي بالصورة القديمة هذة
