كسلا_تحتضر الوضع في كسلا خطر وكارثي للغاية .. - Hooosh News

Hooosh News

الموقع الرسمي لمنصة الحوش Hooosh.فضائية الحوش على النايل سات التردد 10815 أفقي ترميز 27500

اخر الأخبار

اعلان

ضع إعلانك هنا

اعلان

إعلانك هنا

الجمعة، 21 سبتمبر 2018

كسلا_تحتضر الوضع في كسلا خطر وكارثي للغاية ..


السلام عليكم ورحمة الله وبركاته  ..

#
١- معلومة مؤكدة ومباشرة من وزارة الصحة الولائية
عن أكتر من ٩٣،٤٠٠ حالة إصابة ..
٢- ١١٦ حالة وفاة والرقم في تزايد ..
٣- تقاعس مُريع من السلطات الصحية وتباطؤ من وزارة الصحة الاتحادية في التدخّل ..
٤- جهود من أهالي كسلا لا تقوى على مواجهة الكارثة لوحدها ..
٥- مطلوب تضافُر أكتر من شرائح المجتمع المختلفة
حسب الاستطاعة ..
- مرض في كسلا بحصد في ارواح اهلنا بإصابتهم بحمى
تم تشخيصها بحمى ال ChickenGunia وبعض الحالات بحمى نزفية ..
- التضارب حول نوع الحمى يمكن حسمه بإرسال عينات للخرطوم او اي مدينة فيها جهاز إسمه PCR و دا بحسم الجدل حول نوعية الحمى و عليها بتم تحديد البروتكول العلاجي ..
- عدد المصابين حسب المعلومات الواردة وصل 93،400 شخص و الوفيات 116 شخص، و دي ارقام كارثية ما ارقام طبيعية بتتطلب إعلان طواريء لو في الحكومة دي زول بخاف الله ..
- في حوجة لاطباء متطوعين مستشفيات كسلا و مراكزها الصحية كولاية فيها عجز في الاطباء و الكوادر المؤهلة و دي دعوة لاجسام الاطباء لتنظيم دعوات التطوع لسد العجز ناس النقابة و لجنة اطباء السودان المركزية ..
- في حوجة لمخفضات حرارة و دربات تعويضية و دي الشركات الوطنية و المستوردين ممكن يبدوا يتبرعوا بكميات بسيطة مبدئياً لحدي ما جسم شباب كسلا يلم التبرعات
و يشتري منهم، الصيادلة دوركم مهم هنا ..
- الضغط الشعبي مهم عشان التدخل الحكومي يتم و تدخل المنظمات الدولية و الوطنية في الجانب الإنساني و عشان مثلاً موضوع رش المبيدات دا يحصل و الما معروف ليه ما بدأ للان على الرغم أنه في اخبار متداولة عن السبب وجود مزارع دواجن في المنطقة رش المبيدات حيقضي عليها ..
- في كسلا في كارثة إنسانية بكل المقاييس ..

*** الحوجه مبدئيا دربات بندول
الهدف ١٠٠٠ درب
الفترة اسبوع
للتبرع بالدربات مبدئيا
دها رقمي وريني قاعد وين وانا بجي اشيلا منك وبتكفل بجمعها وترحيلا لولاية كسلا ..
واي زول عاوز يشتغل معاي الشغل دا ..
دا رقمي 0918636540
انا محمد عباس محمد عثمان
من كسلا - السواقي الشماليه
مقيم في الخرطوم  ..

#كسلا_تحتضر
تكونت لجنة من أبناء كسلا بالعاصمة الخرطوم لتلقي الدعم والتبرعات من الأدوية والاحتياجات الطبية .
نناشد الجميع بضرورة الدعم  والتبرع  لأجل توفير الدواء اللازم كمرحلة إسعافية ، كما سنوافيكم بمزيدا من التفاصيل من الاحتياجات لاحقاً  .
للتبرع بالدواء :
بندول "حبوب"
أولفين "مضاد حيوي"
أيفوميل Ifimal "دربات"
فولتريكس "حقن"

للمتابعة والتبرع :

0916850813عزو لوكا _الخرطوم

0902871826موسى عبدالقادر _جبرة

0912226646رامي احمد_ شرق النيل 

0917788957 فكي شكور _الخرطوم

0912907890 سمر سليمان

0912194507 حسام الدين حيدر_ الخرطوم
#من_اجل_كسلا
#اعلن_تطوعك
#كسلا_تحتضر

*** واحلامنا يومي بتتسرق
خوف وموت جمله في الغرب
شقا وموت جمله في الشرق ..

#كسلا_تحتضر

ليست هناك تعليقات:

إرسال تعليق

اترك تعليقك

اعلان

إعلانك هنا